வட்ட நிலா..

வட்ட நிலா தொட்டு விட 
எட்டி எட்டி நான் முயல..
எட்ட ஓடும்  சுட்டி நிலா 
முகிலிடயில்  மறைந்ததுவே ...                   1

நித்தம் நித்தம் இந்த கதை 
தொடர்ந்ததுவே-  யாவதனால்
வட்டமான சுட்டி நிலா 
களைத்து தினம் இளைத்ததுவோ..                2

மிக மெலிந்த இந்தத் திங்கள் 
காற்றினிலே கறைந்ததுவோ 
புவனமதை சுற்றி வந்த 
சரிபாதி திங்களிலே..                                  3

தொட்டு விட நான் முயல 
தொட்டு விட்ட எவரோ தான்
பிட்டு பிட்டு தான் வுண்டு 
விட்டனரோ ரீரேழ் நாளில்..                         4

கறைந்துவிட்ட முழு நிலவு 
மீண்டு வந்து பிறப்பெடுத்து 
மறுபடியும் தொடச்சொல்லி 
மூட்டி விடும் இச்சையைத் தான்..                 5

இச்சைப்பட்ட மாந்தர்கள் தாம் 
கோடி பல இருந்ததுண்டு 
தொட்டு விட இயலாமல் 
இச்சகத்தில் தொன்று தொட்டு..                    6

எத்தனை பேர் தொட்டனரோ 
எத்தனை பேர் விட்டனரோ..
எண்ணிக்கை தெரியவில்லை 
சந்திரனை கேட்டிடுவோம்..                          7

புவி முளைத்த நாள் முதலாய் 
அன்று முதல் இன்று வரை 
நடந்ததெல்லாம் கவனித்த 
சாட்சி தானோ சந்திரனும்..                         8

சந்திரனைச்  சந்தித்தால் 
ஜகத்தின் கதைகள் பலவும் 
கேட்டு நாமும் தெரிந்து கொள்ள 
வாய்ப்பதுவும் உண்டென்போம் ..                  9

அதனால்...                  

வட்ட நிலா தொட்டு விட 
எட்டி எட்டி நான் முயல..
எட்ட ஓடும்  சுட்டி நிலா 
முகிலிடயில்  மறைந்ததுவே ...                    10
                   
-------------------------கார்த்திக் ஐயர், ஸ்ரீரெங்கம் , திருச்சிராப்பள்ளி